CAMIÑO DE SANTIAGO 09-10

Ó final houbo 16 valentes que deron chegado a Santiago, este ano fíxose máis duro aínda polas condicións meteorolóxicas. Noraboa a todos polo voso esforzo. Espero que a pesar dos sufrimentos tiverades tempo para pasalo ben. Vémonos á volta de vacacións, descansade moito. Un saúdo.

ÚLTIMOS CONTIDOS

Estamos nas últimas semanas da avaliación e estamos acabando os contidos deste trimestre. En 1º de ESO rematamos a unidade de ritmo practicando cos aros e agora remataremos o trimestre coa unidade de xogos populares. En 2º de ESO remataremos a unidade de material alternativo: malabares, frisbees, paus do diaño, zancos, platos chineses.... En 3º de ESO seguimos co voleibol, lembrade a aposta. E para finalizar en 4º de ESO acabaremos co fútbol antes de irnos facer o camiño de Santiago.

BAILES DE SALÓN. 2º ESO

Vaia bailaríns, en 2º de ESO aprendimos este ano a bailar algúns pasos do chachacha e do pasodobre. Do chachacha sabemos o paso base, a diagonal, a diagonal con volta da rapaza, o new iork e o new iork con volta dos dous. Do pasodobre aprendimos o paso base, o capeo, o lateral con volta da rapaza e o lateral con apple.

DATAS EXAMES ESO

As datas dos exames teóricos da segunda avaliación para os cursos de ESO son as seguintes:

1º ESO: 12 de marzo

2º ESO: 11 de marzo

3º ESO: 08 de marzo

4º ESO: 05 de marzo

ENTREGA DE TRABALLOS

A data de entrega de traballos é o 1 de marzo, os traballos da semana da neve recollereinos ata o venres día 5 de marzo.