MEMORIA SEMANA NEVE 2016

O venres ás 06:30 chegamos a Valdoviño dende Jaca os profesores e alumnado que este ano estivemos en Astún disfrutando e sufrindo o esquí. Este ano tivemos un total de  16 lesionados: dúas fracturas de radio, catro esguinces de muñeca, dous esguinces de nocello, unha distensión de ligamento de xeonllo,, unha posible fisura de coxis e diversas contusións (sacra, muñeca, perna,dous de antebrazo e unha de xeonllo); espero que todos vos recuperedes o máis axiña posible. En xeral o voso comportamento foi excelente e vosa axuda e colaboración moi boa. O tempo foi moi bo agás o derradeiro día no que a choiva nos acompañou. O esquí, e sobre todo o snow, como vos comentei en máis dunha ocasión é un deporte de risco e hai que intentar minimizar estos riscos para lesionarnos o menos posible. Gracias a todos por vir.

Durante os vindeiros días subirei á páxina web do cole as fotos que reunimos entre todos. A descansar.

SAÍDA NEVE

Ola a todos. Despois de todo un trimestre adicado a recoller cartos, repartir rifas e organizar os detalles da excursión á neve por fin está todo listo. Mañá ás 07:00 saímos cara ao pirineo aragonés. Astún agarda por nós sen moita neve, pero creo que será suficiente para nós. Espero que vos portedes o mellor posible. Xa sabedes que de vós depende que se siga a facer esta saída. Sorte a todos e que o pasades o mellor posible.

NOTAS 1ª AVALIACIÓN 3º e 4º ESO

Ola a todos. Déixovos ao alumnado de 3º e 4º de ESO os enlaces ás notas desta primeira avaliación para que as miredes con tranquilidade durante estes días se entrades no blogue. Hai dúas páxinas na folla de excel, un coas medias da avaliación e outra cos resultados da parte práctica. Un saúdo.

3º ESO A-C

3º ESO B

4º ESO A

FOTOS TIRO CON ARCO 16-17

Por fin tedes subidas á páxina as fotos das sesións de tiro con arco realizadas polo alumnado de 6º de Educación Primaria entre outubro e novembro. Os nosos pequenos arqueiros empezan a dominar o arco. Gracias de novo a Pepe e Anxo e ao seu clube Arco A Frouxeira pola súa colaboración.

REUNIÓN SEMANA NEVE

O xoves 01 de decembro ás18:30 horas teremos unha reunión no comedor do centro para concretar os horarios da viaxe, explicar normas  a seguir e aclarar as dúbidas que poidan xurdir. En principio a viaxe será entre os días 18 e 22 de decembro como estaba previsto.

O prezo por persona é de 320 euros. O xoves haberá que pagar os 220 euros que faltan, posto que 100 xa os puxeron como fianza. Aqueles alumnos que van facer snow teñen que pagar un suplemento de 20 euros (en total 340 euros). Se hai algún alumn@ que precise de algún tratamento ou con algunha alerxia a algún alimento comentádemo na reunión.

DATAS EXAMES TEÓRICOS 3º E 4º ESO

A continuación están as datas dos exames teóricos para 3º e 4º de ESO e os temas que vos entran en cada un dos cursos. Lembrade que temos que realizalos un pouco antes porque se segue nevando o día 18 de decembro marcharemos a Jaca e temos que deixar postas as notas da avaliación. Sorte.
3º ESO A: 29 de novembro. Temas 1, 2, 3 e 6.

3º ESO B: 29 de novembro. Temas 1, 2, 3 e 6.

4º ESO A: 07 de decembro. Temas 5 e 7.

MANUEL. ALUMNADO EN PRÁCTICAS

O venres tamén rematou Manuel García as súas prácticas de Maxisterio con Toni, agardamos que a túa estancia con nós no CPI Atios fose agradable e esperamos volver contar co teu sorriso algún outro ano. Desexámosche moita sorte na túa andaina profesional e na túa vida. O alumnado xa está botándote de menos. Unha aperta enorme.

SEMANA DA BUXAINA, MAGOSTO E SAMAÍN

Hoxe finalizou esta semana do Magosto e o Samaín, xa sabedes que toda a semana estivemos a aprender a "bailar" os peóns ou buxainas e hoxe culminamos A Semana da buxaina cunha pequena exhibición - demostración entre todo o cole. Tamén tivemos o Magosto e durante toda a semana lectura de contos de medo na cafetería. Asemade tamén fixemos os tradicionais concursos de cabazas e portas. Esperamos que o pasarades ben. Grazas a todos os organizadores e participantes. Vémonos o curso que ven.

VÍDEO SEMANA VELA 16-17

Se lembrades o último día de vela deste curso, estiveron a facer un vídeo de promoción da vela para César, agora pasounos ese vídeo e xa o tedes á vosa disposición na canle ATIOS TV na páxina web do cole. Hai imaxes tomadas por drones polo que o resultado é espectacular. Tamén podedes acceder pinchando na foto. Non deixedes de velo.

UNIDADES 1ª AVALIACIÓN 3º e 4º DE ESO

As unidades que estamos a ver durante esta 1ª avaliación en 3º e 4º secundaria son as seguintes por cursos:

3º ESO

UD 1. Condición física e saúde 3

UD 4. Acrosport

4º ESO 

UD 3. Baloncesto
U.D. 2. Actividades de raqueta (badminton e tenis)

TORNEO TIRO CON ARCO VALDOVIÑO

Compartimos o cartel dun torneo de tiro con arco a celebrar en Valdoviño, organizado pola Federación Galega de Tiro con Arco coa colaboración do Clube Arco  A Frouxeira e o Concello de Valdoviño. Anímadevos a acercarvos por alí. 

ACTUALIZACIÓN INVENTARIO

Durante o mes de outubro procedeuse á actualización do inventario do departamento de Educación Física. No inventario está tanto o material inventariable coma o material funxible desglosado nos seguintes ítems: material alternativo, atletismo, baloncesto, balonmán, balóns, béisbol, boxeo, delimitación espazos, escalada, espresión corporal, infladores, música, outros, orientación, patinaxe, psicomotricidade, raqueta (badminton, tenis, tenis de mesa e palas), redes, ximnasia, ximnasia rítmica, xogos de mesa e xoquei. Podedes consultalo no apartado de enlaces. Aproveitamos tamén para lembrarvos que as instalacións e os materiais pertencen a toda a comunidade educativa e que polo tanto é tarefa de tod@s o seu coidado.

PROFESORADO EDUCACIÓN FÍSICA 16-17

Durante este curso 16-17 o profesorado pertencente ao departamento de Educación Física somos os seguintes:

Patricia Regueiro Sousa: Educación Infantil e Primaria

 Antonio Rodríguez Rodríguez: Educación Primaria

Mariló Docanto Alonso: Educación Secundaria e Xefa de departamento

Juan Luis Allegue Iglesias: Educación Secundaria

FOLGA EDUCATIVA ESTUDANTES / FAMILIAS

ALUMNADO SEMANA NEVE

Tras rematar o prazo de entrega de autorizacións temos un total aproximado de 95 alumnos dende 6º de EP a 4º de ESO para dita actividade. Esto supón ter que levar dous autocares de 55 prazas. A actividade terá lugar entre os días 18 e 22 de decembro (esquiando os días 19, 20, 21 e 22) na estación  de Astún (Jaca, provincia de Huesca) onde xa esquiaron os cursos anteriores. De non haber neve nestas datas a viaxe pospoñerase a marzo ou otra data por determinar.
O prezo por persona será aproximadamente de 325 euros. No caso de querer facer snow o suplemento é  de 20 euros. En principio imos deixar que o alumnado de 6º de EP que conte coa autorización da súa familia faga SNOW. Repartiremos, durante a vindeira semana, ao alumnado que asista á actividade as rifas para que poidan financiar parte da viaxe, cando acaben un talonario teñen que traer os 100 euros e poderían recoller outro ata un máximo de tres. IMPORTANTE: Non recollemos moedas, só billetes.
O programa da actividade incluiría: Transporte en autobús de Galicia a Jaca / Transportes diarios hotel-estación-hotel / 4 noites no hotel en réxime de media pensión /  4 dias de comida en pistas  / 4 días de remontes / 2 horas diarias de clases de esquí / Seguro de viaxe e de esquí.
Material: Protector solar (factor 25-50) e labial, gafas de sol para neve, gorro e polar, chándal impermeable ou similar, anorak, luvas, calcetíns (varios pares), roupa de abrigo, DNI, copia da tarxeta sanitaria. 
A principios de decembro (probablemente o xoves día 1) teremos unha reunión coas familias para explicar con detalle a actividade e as normas a seguir na viaxe. Enviaremos unha nota confirmando día e data da reunión.

NORMAS MATERIAL LECER ESO

1. O material de lecer para o alumnado de ESO estará nun baúl pechado na entrada do patio da cafetería.

2. Este baúl SÓ PODERÁ SER ABERTO NAS HORAS DE RECREO E POLOS ENCARGADOS DESIGNADOS. O resto do alumnado non pode coller as chaves, terá que buscar a un encargado para que abra.

3. O BAÚL NON PODERÁ ABRIRSE EN HORAS DIFERENTES ÁS DO RECREO, para evitar que quede aberto e collan o material alumnos de Infantil, Primaria, do comedor ou extraescolares como pasou outros cursos.

4. Cando soe o timbre de entrada do recreo  todo o alumnado procederá a recoller o máis rápido posible o material para que os encargados poidan pechar o baúl a tempo para ir a clase. TODOS SODES RESPONSABLES DO MATERIAL.

5. O alumnado de ESO encargado de abrir e pechar o baúl nos recreos será sustituido cada trimestre, ante calqueira incidencia deberá comunicarllo ao xefe de departamento de EF, o baúl debe quedar pechado tras cada recreo e as chaves no seu lugar. SÓ HAI CATRO ENCARGADOS (UN POR NIVEL). Todo o alumnado se compromete a acatar as directrices destes encargados. Os  encargados este trimestre son:

1º ESO – Ricardo Bouzamayor

2º ESO – Tomás Dias Rodrigues

3º ESO – Noel Fernández

4º ESO – Noelia Martínez

6. As mesas de ping-pong colocaranse unha no patio da cafetería e outra no patio cuberto, na do patio cuberto só poderedes xogar a semana que vos toca a clase de EF fóra, porque na outra semana estarán dando clase de EF os de Primaria. NAS MESAS ESTÁ ESTRICTAMENTE PROHIBIDO SENTARSE (especialmente os que xogades nelas).

7. O xoves pola tarde poderedes  entrar a xogar ao ximnasio coas seguintes normas:

·        Só poden estar no ximnasio os que van xogar. Non está permitido comer nin beber no ximnasio, agás auga. Non se pode estar subido enriba das colchonetas nin xogando nelas. Os vestiarios usaranse de xeito que queden nas mesmas condicións que cando entrastes. Non quero inundacións fortuitas.

·        Os encargados de abrir e pechar o ximnasio e de que se cumpran estas normas serán Noelia Martínez Fernández e Naiara Iglesias de 4º de ESO. Ante calqueira incidencia deberán informar ao xefe de departamento de EF.

8. Todos debedes colaborar no coidado do material, lembrade que ese material é voso e vos corresponde ser responsables e facer un bo uso do mesmo.

9. SE NON SE CUMPREN ESTAS NORMAS POR PARTE DE TODO O ALUMNADO DE ESO RETIRARASE O MATERIAL, AS MESAS DE PING-PONG E O ACCESO AO XIMNASIO OS XOVES POLA TARDE.

10. PENSADE EN TODO ESTO E TRATADE DE SER RESPONSABLES .

SESIÓNS TIRO CON ARCO 6º EP

O alumnado de 6º de Educación Primaria vai desenrolar dende o día 14 de outubro unha unidade adicada ao tiro con arco, en concreto serán catro sesións das súas clases de Educacion Física as que experimentarán co arco e as frechas, tendo con nós estes días a Anxo Grandal e a Pepe Teijeiro do Clube Arco A Frouxeira. Esta unidade en 6º de EP contémplase como unha continuación das xornadas de iniciación feitas en cursos anteriores pero adaptada ao curriculo da nosa materia, e que comezamos con moita aceptación o curso pasado. Gracias a Pepe e Anxo e ao seu clube Arco A Frouxeira pola súa labor altruista e ao alumnado que desfrute e aproveite para coñecer eses outros deportes minoritarios que non existen na televisión.

FOTOS E MEMORIA SEMANA VELA

Xa tedes subidas na páxina web do centro no apartado Galería nova as fotos da actividade de vela deste curso, tocoulles este ano ao alumnado de 5º de EP, 3º de ESO e 4º de ESO. Agradecer tamén a súa colaboración aos profes que asistiron á actividade: Antonio de Educación Primaria e Alejandro de ESO. E como non agradecer tamén aos monitores e en especial a César a súa adicación e entrega a este deporte da vela, e animarvos a todos a acudir algún fin de semana ou no verán ao Clube Náutico a seguir practicando estas actividades. Lembrade tamén que podedes acceder ás fotos das actividades no menú da esquerda do blogue con pinchar na foto da actividade.

AUTORIZACIÓNS SEMANA NEVE

O departamento de Educación Física do CPI Atios de Valdoviño está a organizar unha viaxe á neve dirixida ó alumnado de ESO e 6º de EP. Esta actividade está enmarcada dentro do Proxecto Didáctico do Departamento dentro das Actividades no medio natural.

Dado que outros cursos o alumnado tense dado de baixa a última hora esta autorización implica o permiso para asistir á actividade é o depósito dunha fianza de 100 euros que poden perder se non van ( a non ser que sexa unha causa xustificada).

A actividade realizaríase en principio no mes de decembro (18-22) e tería lugar na estación de Astún ou Formigal no Pirineo aragonés (4 días de esquí máis a viaxe), de non haber neve nesas datas tamén barallamos a opción no mes de marzo. O prezo rondaría os 375 euros (de ser 30 alumnos) ou 330 euros (de ser 50 alumnos). A actividade estará aberta a todo o alumnado da ESO e 6º de EP e será preciso un mínimo de 25 alumnos para levar a cabo a actividade. De non chegar a este número devolveríase a fianza a cada alumn@. O prazo para entregar a autorización é ata o venres 21 de outubro.

20.000 VISITAS

Durante este mes de setembro chegamos ás 20.000 visitas. O departamento de Educación Física leva publicando este blogue dende finais do ano 2008, xa van case oito anos e vinte mil visitas parecen poucas se non se ten  en conta o reducido do número de alumnos que vades pasando por aquí. A pesar de que sei que moitos non sodes asiduos ao blogue quería agradecervos as vosas visitas e o voso interese. Non sempre é fácil ir publicando de xeito continuo pero é unha maneira de ir lembrándovos a todos os que pasades por aquí. 

VINTE MIL GRAZAS

MARCHA CICLISTA

A marcha ciclista que tiñamos prevista para o día 07 de Outubro en colaboración co CRA pospoñémola ata os meses de maio ou abril. Agora realmente entre a actividade de vela e o inicio do curso non temos tempo abondo para preparala. Ide poñendo a punto as bicis.

INICIO DE CURSO

Este xoves día 15 de setembro empezamos o curso en Secundaria. Este ano seguimos contando no departamento de EF con Mariló e Patricia e temos un novo profe de EF en Primaria Antonio, ao que xa coñecemos doutros anos neste centro . A Lomce entra tamén en 2º eº 4º de ESO polo que estará xa instaurada en tódolos cursos da ESO.. Deséxovos a todos: alumnado, profesorado e famiias unha boa entrada neste curso. Esquecíame tamén de decirvos aos de 3º e 4º de ESO que en breve teremos a actividade de vela.

Benvid@s ao centro.

SEMANA VELA 16-17

Dende o día 19 e ata o día 29 de setembro o alumnado de 5º de Educación Primaria e de 3º e 4º de ESO vai participar nun curso de iniciación á vela de tres días no encoro das Forcadas.
O prezo da actividade é de 5-8 euros para pagar o bus dos tres días. O prezo estára calculado en función do número de alumnos que asistan á actividade. A actividade inclúe o transporte en autocar ata as instalacións do clube náutico municipal, e a realización da actividade en sí. Irán acompañados dun profesor do centro e a actividade no encoro estará supervisada por monitores especializados en vela. Os rapaces deberán levar bañador (se fai sol) ou roupa cómoda (chándal), calzado que se poida mollar, e unha cazadora ou chubasqueiro se fai mal tempo. Deben levar unha muda completa e toalla por si se mollan.

Esta actividade realizarase nas seguintes quendas:

- 19, 20 e 21 de setembro de 09:35 a 13:15 5º Educación Primaria

- 22, 23 e 26 de setembro de 09:35 a 13:15 3º Educación Secundaria
- 27, 28 e 29 de setembro de 09:35 a 13:15 4º Educación Secundaria

EXAMES PENDENTES E SETEMBRO EF

As datas para o realización dos exames de setembro de Educación Física son as seguintes:

XOVES 01 DE SETEMBRO (12:00 A 12:50) - PENDENTES
VENRES 02 DE SETEMBRO (12:00 A 12:50) - EXAME SETEMBRO ESO

SORTE E ÁNIMO A TOD@s.

SEMPRE EN ATIOS!!!!

Todos pensamos que as persoas que queremos e apreciamos van a estar sempre ao noso carón; se por riba estas persoas traballan contigo durante moitos anos estás convencido de que xa son unha parte indivisible da túa propia vida e que é imposible perdelas.

Por iso  doe tanto velas marchar, porque unha porción de ti marcha tamén, porque pensabamos, inxenuamente, que como ata agora, seriamos testemuñas non só da súa labor profesional, senón tamén dos seus amores (e desamores), dos seus fracasos (e dos seus éxitos), das súas vodas (frustradas ou non), das súas enfermedades, dos seus soños, das súas espranzas...... Crimos que veriamos crecer aos seus fillos a través dos seus ollos, que envelleceriamos xuntos véndonos día a día; sen notalo a non ser polas imaxes dese pasado cercano  que nos ameazan dende a nosa galería de imaxes.

Nunca imaxinamos a vida sen elas, persoas ledas, abertas, confiadas, traballadoras, detallistas, perfeccionistas, sempre a pensar no ben dos demais, persoas ás que nunca verás enfadadas por moi mal que te portes con elas (ao contrario doutras deste centro, coma mín por exemplo), persoas cun sorriso permanente, que te desarman coa súa bondade e a súa tenrura, persoas que sen pretendelo fanse querer.

Por iso, pregariamos, con egoísmo; que se quedaran en Atios de ter algo de fe, a pesar de que saibamos que este paso supón para elas unha mellora irrenunciable e aínda que sexa imposible non desexarlles todo o mellor na nova vida que comezan. Pero nós quedamos sós, cun valeiro imposible de encher con outras verbas e outras historias.

Só nos resta agradecer a  súa dedicación, a súa ledicia, a súa compaña, a súa risa, os seus consellos, o seu apoio, a súa crítica,.... 
Grazas por tantos pasos dados ao noso carón......

A verdade é que non podemos imaxinar ATIOS sen esas persoas e agora neste intre de despedida só nos queda o alivio de saber que estas bágoas pronto serán sustituidas por lembranzas que levaremos sempre nos nosos corazóns.

SEMPRE EN ATIOS!!!!

FIN DE CURSO. POR FIN!!!

Este curso foi un ano intenso, cheo de actividades, despedidas, de experiencias vividas con todos vós, de risas e de bágoas. BUFF!! Non sei se podería con outra semana máis. Desexarvos a tod@s unhas felices vacacións, que descansedes todo o que poidades, que gastedes uns minutos en analizar cómo foi o voso curso e ver en que podedes mellorar. Eu prometo facer o mesmo.

Un saúdo a todos. Bó verán.

DESPEDIDAS: MARILÓ e ANA

Este ano despedimos a dúas das nosas compañeiras de departamento: Ana Morales e Mariló. Ana segue o seu camiño noutro centro despois de deixar a súa pegada en Atios e Mariló aínda ten a posibilidade de voltar o curso que ven. Dende aquí agradecerlle ás dúas á súa profesionalidade e a súa disposición a axudar e participar en todas as actividades do departamento. MOITA SORTE:

FOTOS E MEMORIA RAFTING

A actividade de rafting realizouse o día 29 de xuño para o alumnado de 3º e 4º de ESO. Pola mañá fixemos o rafting no río Ulla preto de Padrón, xantamos na área recretiva de A Barosa e pola tarde estivemos no paintball Campodolobo desestresándonos de todo o curso. Espero que xa vos pasaran os moratóns do paintball e que disfrutarades da actividade. Xa tedes as fotos subidas na páxina do cole ou pinchando como sempre na foto de actividade no menú da esquerda do blogue.

SAÍDA RAFTING

Lembrarvos que mañá 29 de xuño temos a saída de rafting para 3º e 4º de ESO. A saída é ás 09:35 do Josvy. 

O material que precisades é bañador, toalla, tenis para mollar, unha camiseta para cambiarse despois do paitball... e a comida.

Vémonos mañá, sede puntuais.

DESPEDIDA PARA OS DE 4ª DE ESO

Tódolos anos hai unha xeración que se marcha, pero este ano  esa saída coincide tamén coa despedida de Graciela e de Mar, por iso é o doble de especial. Os vosos camiños empezan a separarse agora e pouco a pouco iredes recorrendo esa gran senda chea de contrastes que é a vida: dura e maravillosa á vez. Só vos quero dicir que SEMPRE creades nas vosas posibilidades e nos vosos soños, a pesar do que vos dicía tan a miúdo eu e os demais profes tamén cremos que seredes unhas grandes persoas no futuro (se non o sodes xa).
Deséxovos toda a sorte do mundo lembrándovos que a sorte sen traballo e esforzo case nunca é suficiente para acadar o que se desexa. A  vosa vida ven de empezar, intentade ser sempre consecuentes coas vosas ideas e a vosa personalidade, e loitade polo que credes xusto. Tamén quería lembrarvos nesta época de tecnoloxía infinita que as cousas importantes da vida fanse cara a cara, con alguen fronte a nós ou ao noso carón.

MOITA SORTE A TODOS na vosa vida, lembrádevos de nós algunha vez, perdonádenos se fixemos algunha cousa mal e intentade ser felices.

Un bico a todos…. SEMPRE EN ATIOS!

NOTAS 3ª AVALIACIÓN E FINAL 3º e 4º ESO

Déixovos(un pouco tarde) os enlaces ás notas da terceira avaliación  e da avaliación final de 3º e 4º de ESO. Aínda podedes reclamar o luns 27 e o martes 28 de xuño.

3º ESO A

3º ESO B

4º ESO A
4º ESO B-C

3º ESO A FINAL

3º ESO B FINAL

4º ESO A FINAL

4º ESO B-C FINAL

FOTOS E MEMORIA ACAMPADA

A actividade desenvolveuse de forma satisfactoria e o alumnado portouse de xeito correcto. A única pega foi a cimatoloxía porque choveunos os dous días. Espero que o pasarades ben. As fotos xa están subidas á páxina web do cole ou accedendo dende a foto da actividade no menú da dereita. Faltan as fotos que sacou Mariló coa súa cámara, cando as teña as subiremos tamén. Bo verán a tod@s.

ACTIVIDADES E MATERIAL ACAMPADA

PROGRAMA DE ACTIVIDADES / CARACTERÍSTICAS:

1º día: CÁMPING - PIRAGÜISMO

09:45   Saída de Valdoviño

11:00   Chegada ó Cámping Fragadeume (Queixeiro)

11:30   Montaxe tendas / Colocación cousas / Normas cámping e actividades

14:00   Xantar no cámping

16:00   Saída hacia As  Eiras (Clube Deportivo Fragas do Eume)

16:30   Piragüismo no Encoro do Eume

19:30   Regreso ó Cámping

21:00   Cea

2º día:  CÁMPING - SENDEIRISMO NAS FRAGAS

08:00   Levantarse

08:30   Almorzo

09:00   Rota de sendeirismo polas Fragas do Eume (14 -16 Km)

13:00   Chegada a Caaveiro, volta ó cámping en bus

14:00   Xantar

16:30   Recollida tendas

17:00 ou 20:00  Regreso a Valdoviño          

18:00 ou 21:00  Chegada a Valdoviño

  

MATERIAL RECOMENDADO:

- TENDA DE CAMPAÑA / - SACO DE DURMIR / - ESTERILLA

- CALZADO: Tenis cómodos e USADOS para a rota de sendeirismo, o que teña botas pódeas levar (suxeitan mellor o pé) / Chanclas para ducharse no abergue / Para o piragüismo valerían unhas chanclas, tede en conta que ese calzado vaise mollar.

- ROUPA: Roupa suficiente para dous días, roupa cómoda / Varios pares de calcetíns de algodón / Calzado de reposto / Toalla de ducha  e elementos de aseo persoal / Bañador / Chubasqueiro / Gorra ou sombreiro para protexerse do sol / Levade unha mochila pequena para levar algunha cousa o día da rota de sendeirismo: auga, chubasqueiro, algo de comida,…

- BOTIQUÍN: Tiritas, cacao, crema solar / Os alérxicos e asmáticos deben leva-los medicamentos que teñan prescrito.

- OUTROS: Lanterna

AUTORIZACIÓNS RAFTING

O departamento de Educación Física do CPI Atios organiza unha saída o mércores día 29 de Xuño cos alumnos de 3º e 4º de ESO para realizar unha actividade de rafting e paintball,  esta actividade entra dentro do bloque de contidos de Actividades na Natureza da programación anual.

O rafting  consiste en baixar en grupos e dentro dunha balsa neumática o curso dun río, o monitor actúa como timonel mentres os demais controlan a embarcación cos remos.

A actividade realizase equipados cun traxe de neopreno, chaleco salvavidas, casco  e sempre estaremos acompañados de dous - tres monitores da empresa TURNAUGA.

·        O rafting faríase no río Ulla preto de Padrón e o paintball en Caldas de Reis.

·        A saída será do Josvy  ás 9:35 h. do día 29 de Xuño.

·        Os alumnos levarán a comida, xantaremos nalgunha área recreativa pretodo río Ulla.

·        A chegada será sobre ás 20:00 ou 21:00 horas dependendo do tempo que leve a actividade.

·        A empresa Turnauga proporciona o material: traxe de neopreno e chalecos e contrata un seguro de responsabilidade civil por cada participante, polo que é necesario que me comuniquen antes o DNI.

·        O prezo é entre 55-60 euros, esto inclúe a actividade de rafting, de paintball e o bus. Este prezo é orientativo para un número aproximado de 25 alumnos, en función dos alumnos que vaian podería modificarse.

·        É obrigatorio saber nadar.

·        MATERIAL: Cada participante debe levar un calzado deportivo que se poida mollar e traxe de baño posto. Deben levar tamén toalla e roupa interior de reposto. Despois cada un que leve a roupa que considere oportuno.

·        Profesores acompañantes: Juan Luis Allegue.

·        A data límite para entregar  as autorizacións é o xoves 16 de xuño. 

SUSPENSIÓN DA ACAMPADA PARA 1º ESO

Debido á reducida capacidade do cámping Fragadeume en Queixeiro á hora das comidas e vista a avalancha de autorizacións que entregou o alumnado, sobre todo de 1º de ESO, vémonos na obriga de suspender a actividade para 1º de ESO neste curso 15-16.

A día de hoxe. 06 de xuño temos 60 autorizacións para asistir á acampada, a cafetería do cámping non ten capacidade para acollernos (caberían arredor de 45 persoas), tampouco teñen a infraestructura  para cociñar para 64 persoas, ademais tamén habería o problema de ter que levar dous buses. A verdade é que contabamos como máximo con 45-50, pero non con isto. Como responsable da actividade lamento profundamente ter que tomar esta decisión, máxime despois de ver a todo@s tan ilusionados, pero non hai outra alternativa. Teñen o meu compromiso persoal de intentar levalos a finais de setembro se o curso está xa medianamente organizado. Pídolles desculpas a todos: alumnado e familias, por non ter previsto que podía darse esta situación.

Se algún pai ou nai precisa dalgunha explicación máis pode poñerse en contacto con nós.

AUTORIZACIÓNS ACAMPADA

O departamento de EF está a organizar unha acampada de dous días dirixida ó alumnado de 1º e 2º de ESO. Dado que outros cursos e noutras actividades o alumnado tense dado de baixa a última hora esta autorización implica o permiso para ir á actividade é o compromiso de asistir.

A actividade realizaríase os días 17 e 18 de xuño (venres e sábado) e tería lugar no cámping de Queixeiro en Monfero. O prezo estaría entre os 50-70 euros. Este curso a actividade estará aberta ó alumnado de 1º e 2º de ESO e será preciso un mínimo de 20 alumnos para levar a cabo a actividade. O prazo para entregar a autorización é ata o venres 03 de xuño. O prezo da actividade incluiría: Ruta de piragüismo no encoro do Eume, ruta de sendeirismo no parque natural das Fragas do Eume, comidas e estancia no cámping Fragadeume, transporte en bus ó cámping e ás actividades.

FOTOS SURF 15-16

Xa están subidas á páxina as fotos da actividade de surf tanto de Primaria coma as de ESO. Podedes velas na páxina web ou a través do enlace na foto de actividade no menú da esquerda. Son un montón....

SURF EP 15-16

O 26 e o 27 de maio tocoulles o turno da actividade de surf ao alumnado de 4º  de EP, que acompañados de Patricia e Ana, experimentaron a sensación de subirse a unha táboa de surf. Polos comentarios que oín polos corredores parece que o pasaron estupendamente. Supoño que estes repetirán cando vaian en 2º de ESO. 

SURF ESO 15-16

Hoxe rematamos os de 2º de ESO coa actividade de surf, seguro que a todos nos quedaron ganas de máis, pero bueno, a idea de todo isto é coñecer un amplio abanico de posibilidades de actividades físicas para que vós vos quededes co que máis vos guste. Algúns de vós xa tiñades experiencia por ter ido outras veces facer surf, Espero que disfrutarades con estes dous días diferentes. Á espera de que Marcos nos envie as fotos na auga déixovos outras tres que sacamos nós. Unha en especial adicada a Sara. Agradecer tanto a Andrés coma a Mariló que vos acompañaran a aos monitores Marcos, Iago e Rufo a súa paciencia. Tamén dar as grazas a Andrés o pai de Sara que se prestou a encher o seu coche para que entre todos poidésemos facer os traslados  a Pantín. Vémonos noutra....... posiblemente na acampada.

COLLENDO OLAS EN PANTÍN

No día de hoxe comezou  a actividade de iniciación ao surf o alumnado de 2º de ESO que tamén irá mañá. 

O xoves e o venres tocaralles o turno aos cursos de 4º de Primaria. Hoxe e mañá cos 16 alumnos de ESO irán Andrés e Mariló, e o xoves e o venres irán cos 25 de Primaria Patricia e Ana Morales. 

A DISFRUTAR DAS ONDAS.

FOTOS ESCALADA E XORNADAS VOLEIBOL

Xa están subidas á páxina web do centro as fotos da unidade de escalada de 4º de ESO e tamén as poucas que nos lembranos sacar da  I Semana da escalada, na que toda a ESO tivo a oportunidade de subir ao rocódromo e aprender a rapelar. Espero que disfrutarades, xa sabedes que non é habitual poder experimentar a escalada nun rocódromo dentro dun centro educativo. 

Tamén decidín subir as fotos que sacamos nas xornadas de iniciación ao voleibol cos compoñentes do clube Aldebarán de San Sadurniño, porque moitos de vós preguntachedes por eles.