RUBÉN REMATA AS PRÁCTICAS

A semana pasada Rubén Hermida rematou as prácticas do segundo ano de maxisterio que estivo a facer no noso centro. o seu titor de prácticas foi José Antonio Campos. Rubén foi un dos alumnos que tiven o primeiro ano que cheguei a este centro aló polo curso 00-01. Desexarche todo o mellor de agora en diante e que estiveras a gusto neste centro que segue sendo o teu. Moita sorte.

RESULTADOS SEGUNDA AVALIACIÓN

Os resultados da 2ª Avaliación en Secundaria realizada os días 22 e 23 de marzo foron os seguintes:

1º ESO A: 14 alumnos 8 aprobados 6 suspensos 57% aprobados
1º ESO B: 15 alumnos 14 aprobados 1 suspensos 93% aprobados
TOTAL 1º 29 alumnos 22 aprobados 7 suspensos 76% aprobados

2º ESO A: 18 alumnos 16 aprobados 2 suspensos 89% aprobados
2º ESO B: 17 alumnos 15 aprobados 2 suspensos 88% aprobados
TOTAL 2º 35 alumnos 31 aprobados 4 suspensos 89% aprobados

3º ESO A: 28 alumnos 26 aprobados 2 suspensos 93% aprobados
TOTAL 3º 28 alumnos 26 aprobados 2 suspensos 93% aprobados

4º ESO A: 12 alumnos 9 aprobados 3 suspensos 75% aprobados
4º ESO B: 25 alumnos 21 aprobados 4 suspensos 84% aprobados
TOTAL 4º: 37 alumnos 30 aprobados 7 suspensos 81% aprobados

TOTAL 139 alumnos 119 aprobados 20 suspensos 86% aprobados

ÚLTIMOS CONTIDOS 2ª AVALIACIÓN

Rematamos a 2ª avaliación e terminamos tamén as seguintes unidades coas que estivemos traballando estas últimas semanas. En 1º de ESO acabamos co baloncesto (xa sabedes que hai que practicar os pases, o dominio do balón, o lanzamento e a entrada a canastra, e seguir aprendendo a xogar en equipo), en 2º de ESO a unidade de Material Alternativo foi moi divertida e todos aprendimos a traballar con obxectos do máis variado (malabares, frisbees, zancos, pratos chinos, diábolo, paus do diaño...), de aquí saltaremos ó circo, en 3º de ESO remataremos coa unidade de volei a semana que ben (segue en pé a aposta que temos, ánimo aínda podedes sacar un 10) e en 4º de ESO xa deixamos o fútbol ata outra ocasión.

FOTOS E VÍDEOS SEMANA NEVE

Xa temos todas as fotos subidas á páxina web do centro no apartado de Galería de Imaxes, aqueles que queredes o vídeo o podedes descargar no seguinte enlace. Se algún ten problemas coa descarga que contacte conmigo. Agradecer a Diego a súa reportaxe gráfica e a edición de vídeo, a verdade é que quedou un vídeo moi simpático. Disfrutade tamén del no seguinte enlace:

http://dl.dropbox.com/u/675641/Leitariegos%20feb%202010.MOV

BAILES DE SALÓN 3º ESO

Rematamos a unidade de bailes tamén en 3º de ESO, o vals vienés e o merengue están xa dominados. Espero que o pasarades ben.

BAILES DE SALÓN 2º ESO

Rematamos coa unidade de bailes de salón en 2º de ESO, aprendimos algúns pasos do cha-cha-cha e o pasodobre. Sintoo non terlle adicado máis tempo, pero temos que seguir coa programación. Que vos pareceron?