O prezo da actividade é de 6-7 euros para pagar o bus dos tres días. O prezo está calculado en función do número de alumnos do curso. A actividade inclúe o transporte en autocar ata as instalacións do clube náutico municipal, e a realización da actividade en sí. Irán acompañados dun profesor do centro e a actividade no encoro estará supervisada por monitores especializados en vela. Os rapaces deberán levar bañador (se fai sol) ou roupa cómoda (chándal), calzado que se poida mollar, e unha cazadora ou chubasqueiro se fai mal tempo. Deben levar unha muda completa por si se mollan.
Estamos de volta, tras dúas duras etapas do Camiño de Fisterra ó fin regresamos ó centro. Espero que todos volvades físicamente á normalidade canto antes e que poidades recuperar o sono perdido (vaia ronquidos). Noraboa a todos polo voso comportamento e espero vervos de novo en algunha outra aventura. Grazas tamén a Graciela e a David por acompañarnos. Un saúdo a todos. 
Alá imos. Os días 02 e 03 de maio iniciamos un novo camiño. Este ano probaremos dentro do Camiño de Santiago as dúas primeiras etapas do Camiño a Fisterra e Muxía. Prevemos un tempo algo revolto polo que non debedes esquecer chubasqueiro. Espero que o pasades ben e que non se vos faga demasiado duro. Dou por feito que entrenastes algo, ou non?. Vémonos o luns.
A semana pasada Rubén Hermida rematou as prácticas do segundo ano de maxisterio que estivo a facer no noso centro. o seu titor de prácticas foi José Antonio Campos. Rubén foi un dos alumnos que tiven o primeiro ano que cheguei a este centro aló polo curso 00-01. Desexarche todo o mellor de agora en diante e que estiveras a gusto neste centro que segue sendo o teu. Moita sorte.
Os resultados da 2ª Avaliación en Secundaria realizada os días 22 e 23 de marzo foron os seguintes:
Rematamos a 2ª avaliación e terminamos tamén as seguintes unidades coas que estivemos traballando estas últimas semanas. En 1º de ESO acabamos co baloncesto (xa sabedes que hai que practicar os pases, o dominio do balón, o lanzamento e a entrada a canastra, e seguir aprendendo a xogar en equipo), en 2º de ESO a unidade de Material Alternativo foi moi divertida e todos aprendimos a traballar con obxectos do máis variado (malabares, frisbees, zancos, pratos chinos, diábolo, paus do diaño...), de aquí saltaremos ó circo, en 3º de ESO remataremos coa unidade de volei a semana que ben (segue en pé a aposta que temos, ánimo aínda podedes sacar un 10) e en 4º de ESO xa deixamos o fútbol ata outra ocasión.
Xa temos todas as fotos subidas á páxina web do centro no apartado de Galería de Imaxes, aqueles que queredes o vídeo o podedes descargar no seguinte enlace. Se algún ten problemas coa descarga que contacte conmigo. Agradecer a Diego a súa reportaxe gráfica e a edición de vídeo, a verdade é que quedou un vídeo moi simpático. Disfrutade tamén del no seguinte enlace:
Rematamos a unidade de bailes tamén en 3º de ESO, o vals vienés e o merengue están xa dominados. Espero que o pasarades ben.
Rematamos coa unidade de bailes de salón en 2º de ESO, aprendimos algúns pasos do cha-cha-cha e o pasodobre. Sintoo non terlle adicado máis tempo, pero temos que seguir coa programación. Que vos pareceron?
Rematamos co volei en 1º de ESO. Outro ano máis que ningún curso é capaz de acadar un 10. Tan simple como pasar o balón por riba da rede tres veces consecutivas sen contar o saque e dando tres toques por equipo de cada vez. Qué pena !!!! Nin foto vos saquei. A partir de agora faremos unha iniciación á ximnasia rítmica cos seguintes elementos: corda, pelota, aro, cinta e mazas e faremos unha pequena composición con cada un deles. Logo agárdanos o basket.
Esta semana rematamos a unidade de Balonmán tanto en 2º de ESO coma en 4º, a partir de agora empezaremos coa unidade de Fútbol II en 4º e en 2º xa comenzamos a unidade de Bailes de Salón II na que este curso aprenderemos a bailar o cha-cha-cha e o pasodobre. A disfrutar.
A data límite para entregar os traballos de Educación Física é o martes día 1 de marzo. Lembrade que non recolle traballos a partir dese día. Os que tedes que facer o traballo da neve tedes ata o luns día 28 de febreiro.
Volvimos sans e salvos, a pesar do bus, do sol, do albergue, das caídas... e de Cintia; voltamos de novo á rutina do cole. A pesar das broncas coas que vos alegro os oídos quero felicitarvos polo voso comportamento e polo vosa aprendizaxe deste deporte tan bonito que é o esquí. A estación de Leitariegos é moito mellor para aprender que San Isidro como poidestes comprobar os que viñestes tamén o ano pasado, pero máis aburrida para aqueles que saben esquíar. Un saúdo a todos e a recuperarse das vosas pequenas lesións. Espero vervos na neve noutra ocasión. ¡¡¡CUNDE!!! 
Este ano non saeu tan ben a unidade de acroximnasia coma outros anos, en parte porque sodes moitos e en parte por non traballar o suficiente. De todas formas este é o resultado do voso traballo.
Mañá 1 de febreiro marchamos a Leitariegos a esquiar. En total son 29 os alumnos que emprenden esta aventura branca, espero que o pasedes ben e que aproveitedes ó máximo estes días. Boa viaxe. A foto e da edstación a día de hoxe, creo que teremos boa neve.
