O 26 e o 27 de maio tocoulles o turno da actividade de surf ao alumnado de 4º de EP, que acompañados de Patricia e Ana, experimentaron a sensación de subirse a unha táboa de surf. Polos comentarios que oín polos corredores parece que o pasaron estupendamente. Supoño que estes repetirán cando vaian en 2º de ESO. 
Hoxe rematamos os de 2º de ESO coa actividade de surf, seguro que a todos nos quedaron ganas de máis, pero bueno, a idea de todo isto é coñecer un amplio abanico de posibilidades de actividades físicas para que vós vos quededes co que máis vos guste. Algúns de vós xa tiñades experiencia por ter ido outras veces facer surf, Espero que disfrutarades con estes dous días diferentes. Á espera de que Marcos nos envie as fotos na auga déixovos outras tres que sacamos nós. Unha en especial adicada a Sara. Agradecer tanto a Andrés coma a Mariló que vos acompañaran a aos monitores Marcos, Iago e Rufo a súa paciencia. Tamén dar as grazas a Andrés o pai de Sara que se prestou a encher o seu coche para que entre todos poidésemos facer os traslados a Pantín. Vémonos noutra....... posiblemente na acampada.
Xa están subidas á páxina web do centro as fotos da unidade de escalada de 4º de ESO e tamén as poucas que nos lembranos sacar da I Semana da escalada, na que toda a ESO tivo a oportunidade de subir ao rocódromo e aprender a rapelar. Espero que disfrutarades, xa sabedes que non é habitual poder experimentar a escalada nun rocódromo dentro dun centro educativo. 
A continuación están as datas dos exames teóricos para 3º e 4º de ESO e os temas que vos entran en cada un dos cursos. Estudiade un pouquiño e sorte a todos. Ánimo, que xa son os derradeiros de educación física deste curso.
O Departamento de Educación Física vai organizar para 4º de EP a actividade de surf os días 26 e 27 de maio de 09:35 a 13:30. A actividade de surf durará de 10 a 13 horas. O prezo da actividade é de aproximadamente 35-45 euros para pagar a actividade e o bus dos dous días. O prezo está calculado para unha ratio de alumnado de entre 15 a 45 participantes. Unha vez recontadas as autorizacións e coñecendo o número exacto informarase do prezo definitivo. A actividade inclúe o transporte ata a praia de Pantín e a realización da actividade en sí. Irán acompañados de profesores do centro e a actividade estará supervisada por monitores especializados en surf. Os rapaces deberán levar unha mochila coas súas cousas: bañador, toalla, chanclas e protector. 
Os días 23 e 24 de maio o alumnado de 2º de ESO terá a oportunidade de ter un primeiro contacto co surf na praia de Pantín en horario de 10 a 13 h. En total serán 15 alumn@s os que disfruten destas 6 horas de iniciación ao surf. O prezo da actividade é de 30 euros e irán acompañados de dous profesores do centro estando supervisados alí por monitores especializados en surf da escola Pantín Surf Camp.Os traslados realizarémolos en coches particulares polo que precisamos que dúas familias colaboren con nós neste traslado. Os que poidan que se poñan en contacto cos profes do departamento de Educación Física.
Dentro da unidade de escalada estes días aprendimos a rapelar, que como xa sabedes é unha técnica de descenso que empregamos despois de escalar unha parede para baixar dela co menor esforzo posible. Despois dos primeiros medos e as primeiras reticencias máis ou menos todos sodes capaces de baixar rapelando máis ou menos rápido. Seguiremos a practicar. As fotos subireinas cando acabemos a unidade.
